صورة اربعة في ستة

هذي القصيدة عبارة عن صديق يحكي لصديقه عن نهاية علاقته مع حبيبته وكان اسم صديقه ابو سعود اتمنى تعجبكم...

,,,,,,,
ثلاث سنين وانا اخطط لهذا اليوم يا ابو سعود..
تيسر حالي وجاهز اوفي وعدي بوقته..
وفجأة جتني تتعذر تقول اتأخرت لوعود..
وانا مستغرب واسمع كأني وعدها خنته..
حسبت انها تمازحني وتتصنع جفا وصدود..
ضحكت بوجهها من قلب مع انها بايخة النكته..
وقالت ارضى بالواقع قلبي ماهو المعهود...
تغير كل شي صوبك نصيبي ما اظن انته..
كنت بيوم محبوبي لكن ما اظن نعود...
وصل من قبل ما توصل وانا ذاك الصبر عفته...
لكن تكفى صدقني ويشهد ربي المعبود...
ترى ماخنتك بلحظة ولا كلمته وشفته...
صراحة اهلي قالولي بأنه ولد اصل و جود..
وجتني امه بالصورة وبكلمات المدح اخته...
سكت وقلت هي فرصة مادام الجود بالموجود..
وقالو كل من حولي علامات الرضا سكته...
وانا فكرت دام امهواخته ماعليهم زود...
اكيد اني براضيهم اذا وافقت واخترته...
واراضي امي واخواني مدام ان الفرح مقصود...
عطيت الناس انا كلمة ومعاهم وقتي حددته...
ولا اقدر اغيرها ترى عند العرب منقود...
اوافق واعتذر باكر واقول الراي غيرته...
تبي تشرحلي المنقود تصدق عاد يابو سعود...
تبيني اقتنع وارضى بحال عمري ماعشته...
انا ماني بقايلها عسى يفرش ثراها ورود...
بعد ما حطمت قلبي وطعم الموت جربته...
عسى بفستانها اشواك وفي ثوبه عقارب سود...
ونار تحرق الكوشة وتحرق بيتهم حته...
وموت بليلة الدخلة يبرد حرتي ياكود...
ولا احس انها بحضه يلامس خد لامسته....
علي اهون اذا ماتو ولا بنفس السرير رقود...
ترى صعب علي اتخيل اللي ماتخيلته....
عسى قاع الثرى يقسى ويتحول صخر جلمود...
وحفار القبر يرفض يسوي فوق مقبرته...
ترى دفنة عديم الذات تلوع حتى كبد الدود...
ومن خان العهود ومات تعافه حتى مقبرته...
عسى ربي يجازيهم بحبل من مسد ممدود...
يعلقهم من اطرافه وفوقه نار وتحته...
انا ماني حقود وشين ولاني من نسل نمرود...
ومن حط نفسه بوضعي بيقول اللي انا قلته...
مدام الفعل له ردة فعل والله ابشري بردود...
بدعي دامني حي وبغرس للدعا نبته...
وبسقيها نزيف القلب ودمع مارحم الخدود...
وتكبر والثمر ثاري من اللي خانني وصنته...
انا نذر علي اكتب وافجر هالقصيد رعود....
واسمع كل بشر صوتي عجبته وللا زعلته....
واردد للي يسمعني اذا حبيت حط حدود...
انا حبيت دون حدود وشوف اللي تكبدته...
ثلاث سنين وانا ابني وجات صورة بكل برود...
خذت مني شقى عمري وحلم قلت حققته...
ثلاث سنين وانا اخطط لهذا اليوم يابو سعود...
وتوافق من كلام اخته وصورة اربعة في ستة....



اتمنى تعجبكم.... وترى انا كاتبها عن تجربة وانا ما الومه على اي كلمه قالها لأني مجرب شعوره....
وشكرا,,,,,,

كل الاحترام لفكرك وقلمك

وكل الاحترام لمشاعرك الجميله الرقيقه

استمر يا عسل تقبل مروري

قصيده اكثر من جميله
سلمت يداااك
وننتظر جديدك
وحبر قلمك الرئع
استمرر خيوو

يسلمووو ع القصيدة الاكثر من رائعة
فالك البيرق عصومي الفراعنة هع هع هااع
تقبل مروري وننتظر جديدك :D

يسلمو ايديك ع كتابة هذه الكلمات اكثر من جميله ورائعه
استمر وبانتظار جديدك