مدخل
بالصدفة عرفت ان اليوم الوطني يوافق رابع العيد وبنفس الصدفة عرفت ان العيد بعد رمضان مباشراً,, وبصدفه غيرها عرفت ان رمضان هو شهر 9 الي هو رقم ماجد عبد الله ,,
ملل
اذا كنت معزوم يوم العيد على غدا ,, والمصيبة انك ما تقدر تعتذر ,,لان الموضوع فيه طرد من البيت فاكيد امك داعية عليك ,,وتعرف الخلل الي في مخك اذا احد سألك وش تغديتو ,, ؟ وتقول له والله ما ادري ,,!!
مخرج طواري
يتكلمون عن شخص فقير ,, متزوج ثلاث حريم ,, وعنده فريق من الاولاد والبنات ,,ويلومون الحكومة على وضعه المتردي ,, مع ان الحكومة ما تدخلت في فحولته ..!!
حلم
نفسي اشتري رانج روفر ,, لكن ماعندي موقف
رياضة
يقول احدهم ,, عندما علم نيلسون مانديلا بخروج المنتخب السعودي من التصفيات المؤهلة لكاس العالم ,, اصابه حزناً شديد ,, ثم صاح ضاحكاً وقال
(عطني فيصل ابو اثنين )
حرب
في تغطية العربية للحرب في اليمن ,, يعرضون كل فترة وفترة مقاطع فيديو للحوثيين ,, وفيها دبابة وعليها لافتة كبيرة ,, مكتوب فيها الموت لأمريكا
(ويوجد عسل للبيع وبطايق شحن ) ,, والمشكلة ان القتلا كلهم يمنيين ,,
خارج النص
صديقي بعد ما رزقه الله بمولودة ,, بدأ يتكلم عن المشاعر الابوية وانها حلوة وتخلي الواحد عاقل وتزيد شعوره بالمسؤولية ,, وكان يتوقع اني اتفاعل معاه ,, لكن الـ57 الي دفعها عشان علبة حليب ,, عكرت مزاجي ,,
خواطر يكسر الخاطر
احمد الشقيري كان يتكلم عن اليابان كل يوم ,, وعن النظام وعن الاطفال والنظافة وعن اشياء كثيرة حلوة ,, لكن نسي انه يخاطب شعب كان يعتبر سرير النوم الي فيه مسجل كورولا من افخم الاشياء في الارض ,,
مخرج
بس خلاص,,
