هذي قصيده كتبته فابوي الله يرحمه اول ايام عيد الفطر اول عيد اعيد بدونه
البارحه صدري به الهم مكنون
اسهر بليل وليل الاحزان طالي
ماغير ابدل حالة الضيق بالهون
وفكري بذهني للوساويس شالي
جريت صوت الحزن والقلب مطعون
كني على ظهر البسيطه لحالي
والفجر بين واكثر الناس يدعون
رب كبير مايرد السؤالي
صليت فرضي مع عبادن يصلون
ودعيت رب البيت يستر خمالي
ورجعت داري ناوي النوم بسكون
والنوم عيا لايقرب مجالي
والظهر قرب واكثر الناس يمسون
وانا وبين الهم بالف احتمالي
والباب دق وصحت ابيهم يردون
جاني الولد يصرخ ترى الضيف خالي
والخال اقبل والحزن تقل مدفون
في وسط صدره وكن شي طرالي
قال البقيه براسكم على تبقون
هذا القدر مكتوب من عند والي
ماني مصدق مسمعي لاتقولون
ابوي عليش خل عنك الهبالي
ماني مصدق هالخبر لا تلومون
توه مكلمني وسائل بحالي
وضعه سليم وصحته ماهي بدون
حتى الورم شالوه واظن زالي
قالو لكلاه لازم يغسلون
حتى الريه ادمت وفيها اختلالي
والكبد راحت والورم صدق ملعون
اللي تمكن فيه اول وتالي
قالوا توفى قلت ياناس تكفون
وشلون راح اللي به القلب سالي
جابوه ليلة الجمعه نقل مشحون
وعصر الجمعه بيدفنونه بحالي
جابوه للمسجد وقاموا يغسلون
بالمسك والكافور يمين وشمالي
وحطوا النعش فوقه وقاموا يلفون
جسم كريم ما يعوض بمالي
ناظرت وجه مبتسم وجه مزيون
حبيته راسه ثم خشمه بعالي
صلوا عليه وداخلي هم وحزون
ودعيت ربي مايرد ابتهالي
سلم وسلمنا وقامو يشلون
جثمان غالي مايكفه جدالي
حطوه فقبره وقامو يهلون
عليه دمع مثل وبالي خيالي
جلست صوب القبر والحزن مسجون
في وسط قلبي والمحاجر سيالي
وقمت اشتكيله حالتي وما هو مجنون
ودي اسولف له شي فبالي
ابوي عبدالله لاتخليني بهون
لاتخليني اعيش بدنيتي بانعزالي
وشلون ابعرس اليوم وشلون
ويوم اتزوج مين ابلقى قبالي
ولامن رثتني دنيتي لحالي مطعون
منهو يساندني بذيك الليالي
ابوي صارت دنيتي ماله لون
وما عدت افرق بين مر وحالي
مرحوم يالي بالسخيات مضمون
مرحوم يالي بالمهمات جالي
شهم عزيز للصعيبات مامون
كلن يحبك من عمام وخوالي
ماقد تأني بالكرم لاجل مخزون
مدت يدينه من تحت ظلالي
حتى حلالك يفقدك دوم يبكون
مالوم لو يبكي عليك حلالك
مرحوم يالي بالقلب كان مفتون
تبقى وتبقى داخل القلب غالي
مرحوم يالي سمعته نعم مليون
يدفع ثمينه لجل ربط الوصالي
عساك تحشر مع عبادن يصومون
مع النبي المصطفى بالعلالي
عسا القبر روضة العز به مصيون
يارب يالمعبودياذا الجلالي
البارحه صدري به الهم مكنون
اسهر بليل وليل الاحزان طالي
ماغير ابدل حالة الضيق بالهون
وفكري بذهني للوساويس شالي
جريت صوت الحزن والقلب مطعون
كني على ظهر البسيطه لحالي
والفجر بين واكثر الناس يدعون
رب كبير مايرد السؤالي
صليت فرضي مع عبادن يصلون
ودعيت رب البيت يستر خمالي
ورجعت داري ناوي النوم بسكون
والنوم عيا لايقرب مجالي
والظهر قرب واكثر الناس يمسون
وانا وبين الهم بالف احتمالي
والباب دق وصحت ابيهم يردون
جاني الولد يصرخ ترى الضيف خالي
والخال اقبل والحزن تقل مدفون
في وسط صدره وكن شي طرالي
قال البقيه براسكم على تبقون
هذا القدر مكتوب من عند والي
ماني مصدق مسمعي لاتقولون
ابوي عليش خل عنك الهبالي
ماني مصدق هالخبر لا تلومون
توه مكلمني وسائل بحالي
وضعه سليم وصحته ماهي بدون
حتى الورم شالوه واظن زالي
قالو لكلاه لازم يغسلون
حتى الريه ادمت وفيها اختلالي
والكبد راحت والورم صدق ملعون
اللي تمكن فيه اول وتالي
قالوا توفى قلت ياناس تكفون
وشلون راح اللي به القلب سالي
جابوه ليلة الجمعه نقل مشحون
وعصر الجمعه بيدفنونه بحالي
جابوه للمسجد وقاموا يغسلون
بالمسك والكافور يمين وشمالي
وحطوا النعش فوقه وقاموا يلفون
جسم كريم ما يعوض بمالي
ناظرت وجه مبتسم وجه مزيون
حبيته راسه ثم خشمه بعالي
صلوا عليه وداخلي هم وحزون
ودعيت ربي مايرد ابتهالي
سلم وسلمنا وقامو يشلون
جثمان غالي مايكفه جدالي
حطوه فقبره وقامو يهلون
عليه دمع مثل وبالي خيالي
جلست صوب القبر والحزن مسجون
في وسط قلبي والمحاجر سيالي
وقمت اشتكيله حالتي وما هو مجنون
ودي اسولف له شي فبالي
ابوي عبدالله لاتخليني بهون
لاتخليني اعيش بدنيتي بانعزالي
وشلون ابعرس اليوم وشلون
ويوم اتزوج مين ابلقى قبالي
ولامن رثتني دنيتي لحالي مطعون
منهو يساندني بذيك الليالي
ابوي صارت دنيتي ماله لون
وما عدت افرق بين مر وحالي
مرحوم يالي بالسخيات مضمون
مرحوم يالي بالمهمات جالي
شهم عزيز للصعيبات مامون
كلن يحبك من عمام وخوالي
ماقد تأني بالكرم لاجل مخزون
مدت يدينه من تحت ظلالي
حتى حلالك يفقدك دوم يبكون
مالوم لو يبكي عليك حلالك
مرحوم يالي بالقلب كان مفتون
تبقى وتبقى داخل القلب غالي
مرحوم يالي سمعته نعم مليون
يدفع ثمينه لجل ربط الوصالي
عساك تحشر مع عبادن يصومون
مع النبي المصطفى بالعلالي
عسا القبر روضة العز به مصيون
يارب يالمعبودياذا الجلالي
